Qumështoria Sharri e Komunës së Prizrenit pas vendosjes së fshatit Korishë në karantinë, ku si rezultat i këtij vendimi, Qumështorja po e ka të pamundur që të sigurojë qumështin nga fermerët e këtij fshati
Oda e Afarizmit të Kosovës njofton se ka pranuar të premten një shqetësim nga Qumështoria Sharri e Komunës së Prizrenit pas vendosjes së fshatit Korishë në karantinë, ku si rezultat i këtij vendimi, Qumështorja po e ka të pamundur që të sigurojë qumështin nga fermerët e këtij fshati.
Duke e marrë parasysh këtë, OAK i është drejtuar menjëherë të premten me kërkesë kryetarit të komunës në mënyrë që t’iu lejohet disa fermerëve të këtij fshati që ta dërgojnë qumështin e mbledhur në fabrikë, natyrisht duke i respektuar rregullat strikte të sigurisë dhe duke iu dhënë afat maksimal prej 2 orëve për realizmin e këtij veprimi.
“Propozimi i bërë që fërmerët ta sjellin qumështin deri në hyrje të fshatit është i pamundur të funksjonojë për arsye se qumështi duhet të dërgohet në fabrikë, që ti matet kualiteti i yndyrës, në bazë të secilës caktohet edhe çmimi i litrës së qumështit. Në këtë rast, matja e kualitetit larg fabikës teknikisht është e pamundur. OAK konsideron që në këtë kohë është e domosdoshme që fabrikat të mund të funksionojë normalisht, fermerët të bëjnë shitjen e qumështit dhe qytetarët të vazhdojnë të qëndrojnë në shtëpi duke u furnizuar me ushqime”, thuhet në komunikatën e OAK.
OAK shpreson që kryetari i komunës së Prizrenit, Mytaher Haskuka do t’i dalë në ndihmë Qumështores, fermerëve dhe qytetarëve./ Tv Malisheva
