Kryeministri në detyrë, Albin Kurti, duke nënkuptuar presidentin Hashim Thaçi, tha se regjimi i vjetër po shpurdh nëpër studioet televizive pasi po refuzojnë të pranojnë se koha e tyre ka mbaruar.
Përmes një postimi në Facebook, Kurti tha se sa herë ua godasin korrupsionin ata bërtasin “Amelika dhe Gleneli”.
Sipas tij, qeveria në detyrë nuk i nënshtrohet një presidenti helaq.
Postimi i Kurtit:
Regjimi i vjetër po shpurdh nëpër studiot televizive. Ata refuzojnë ta kuptojnë se koha e tyre ka mbaruar. Po orvaten të rikthehen, përmes trysnisë mbi gjyqtarët e Gjykatës Kushtetuese.
Sa herë që ne ua godasim korrupsionin, ata piskasin “Amelika, Amelika! Gleneli, Gleneli!”. Duan ta dëmtojnë imazhin e ShBA-ve në Kosovë, ta keqpërdorin atë si strehë për ultësinë e tyre.
Një popull nuk iu nënshtrua një njeriu. Dhe, e bëri ndryshimin me 6 tetor. As qeveria në detyrë nuk i nënshtrohet këtij Presidenti helaq.
Ditët në vijim përcaktojnë dekadën e tretë të shekullit XXI. Në cilën anë je ti?/ Tv Malisheva
