Kryeministri në detyrë i Kosovës, Albin Kurti ka treguar për arsyet e kërkesës së tij për bashkatdhetarët me qëllim të luftimit të përhapjes së pandemisë me koronavirusin e ri COVID-19.
Ai në një konferencë për media tha se prilli do të jetë muaji vendimtar për të ndaluar lakoren e rritjes së kësaj sëmundjeje që tashmë ka prekur të gjithë botën.
“Ndihma e diasporës ka qenë e vazhdueshme në luftë e në paqe. Jemi të vetëdijshëm, se shteti ynë as për së afërmi nuk ua ka larë borxhin bashkatdhetarëve, por duke qenë bashkë me ta do të tejkalojmë këtë sfidën, më e madhja kjo në Kosovën më e pavarur. Tash na duhet angazhim dhe përqendrim që të dalim sa më shpejt dhe sa me pak pasoja”, u shpreh Kurti.
Ai u ka bërë thirrje qytetarëve të qëndrojnë në shtëpi, në mënyrë të bie intensiteti i lakores së përhapjes së koronavirusit, në të kundërtën gje ndja mund të rezultojë me vdekje të shumta dhe të çojë në kolapsin e sistemit shëndetësor/TV Malisheva
