Një re gjigante rëre dhe pluhurit nga Sahara po mbulon Karaibet gjatë rrugës së saj drejt Shteteve të Bashkuara.
Përmasat dhe përqendrimi i grimcave të saj nuk ishin parë prej më shumë se gjysmë shekulli. Cilësia e ajrit në pjesën më të madhe të rajonit mbërriti nivele “të rrezikshme” rekord dhe autoritetet, që e kanë cilësuar “Reja Godzillë e pluhurit”, i këshilluan banorët të qëndrojnë brenda dhe të përdorin filtrat e ajrit nëse i kanë.”
Ky është eventi më i rëndësishëm i këtij lloji në 50 vitet e fundit,” deklaroi Pablo Mendez Lazaro, specialist i mjedisit në Universitetin e Porto Riko.
Kushtet e krijuara në shumë prej ishujve janë të rrezikshme, dhe kjo situatë krijohet pikërisht në një kohë kur mjaft specialistë të shëndetit janë të shqetësuar për simptomat e frymëmarrjes të lidhura me pandeminë e koronavirusit.
Lázaro, i cili po punon me NASA për të zhvilluar një sistem alarmi lidhur me mbërritjen e pluhurit dhe rërës nga Sahara, tha që përqendrimi ditët e fundit ka qenë aq i lartë sa mund të ketë efekte të dëmshme edhe te njerëzit e shëndetshëm.
Kushte jashtëzakonisht të rënduara të ajrit dhe dukshmëri e kufizuar u raportuan nga Antigua në Trinidad dhe Tobago, ndërsa kjo situatë pritet të zgjasë të paktën deri në orët e mbrëmjes./Tv Malisheva
