Meksika regjistroi dje për të dytën ditë radhazi një rekord kontaminimesh me coronavirusin e ri, me 9 556 raste të regjistruara në 24 orë, sipas shifrave të sekretariatit federal të Shëndetësisë.
Totali i rasteve me COVID-19 në Meksikë ka arritur tashmë në 434 193 dhe i të vdekurve në 47 472, pas 764 të vdekurve nga COVID-19 të regjistruar gjatë 24 orëve të fundit.
Meksika që numëron 128,8 milionë banorë, është vendi i tretë në botë përsa i përket numrit të të vdekurve si pasojë e koronavirusit pas SHBA-së dhe Brazilit.
Megjithatë, përqindja e vdekshmërisë, që është 362,1 të vdekur për një milion banorë, është më e ulët se ajo e vendeve të Europës dhe Amerikës Latine. /ATSH-AFP
