Belgjika njoftoi sot një shtrëngim të ri të masave për të luftuar pandeminë e COVID-19, përballë rritjes së rasteve në vend dhe me qëllim shmangien e një kufizimi të përgjithshëm.
“Të dhënat epidemiologjike janë shqetësuese dhe ne jemi shumë të shqetësuar”, tha kryeministrja, Sophie Wilmès, në një konferencë për shtyp.
“Përballë kësaj situate, numri i personave që belgët lejohen të takojnë, si pjesë e “flluskës së tyre të kontaktit”, është ulur nga 15 në 5 persona nga e mërkura, për katër javët e ardhshme”, shtoi ajo.
Ngjarjet publike do të kufizohen në 100 persona brenda dhe 200 jashtë, kurse vënia e maskës do të jetë e detyrueshme. /ATSH-AFP/
