Vendimet e reja të Qeverisë së Kosovës për parandalimin e përhapjes së COVID-19 obligojnë edhe bartjen e maskave në ambientet e mbyllura, në mjetet e transportit publik dhe të udhëtarëve.
Në të vërtetë, bartja e maskës duke mbuluar hundën dhe gojën është obligative në të gjitha rastet, përveç: Gjatë ecjes në ambient të jashtëm, vetëm; Gjatë ngasjes së automjetit, vetëm, apo në grup me jo më shumë se 4 persona; Gjatë vrapimit, çiklimit dhe ushtrimeve.
Forca e Sigurisë së Kosovës gjatë ditës së sotëm ka shpërndarë maska për të gjithë qytetarët në të gjithë vendin.
Disa pjesëtarë të saj janë parë sot edhe në Fushë Kosovë ku kanë pajisur qytetarët me maska anti-COVID./TV Malisheva
