Kryetari i Skenderajt, Bekim Jashari, së bashku me kryetarin e Komunës së Drenasit, Ramiz Lladrovci, kanë shkuar për ngushëllime në familjen Zhitia në Llugë të Podujevës.
Përmes një statusi në fcb Jashari ka vlerësuar lart angazhimin e Sylë Zhitisë, i cili vdiq dy ditë më parë.
Kujtojmë se Sylë Zhitia është vëllai i heroit Afrim Zhitia.
Ky është statusi i Jasharit:
Sot, me Kryetarin Lladrovci , kemi shkuar për ngushëllime te Baca Osman e Nëna Qamë me rastin e ndarjes fizike të birit të tyre të shtrenjtë e shokut tonë, Sylës.
Dhimbja është e madhe sepse Syla që nga koha e veprimtarisë ilegale dhe deri sot, në shtetndërtim, shquhej me bujarinë, sinqeritetin dhe atdhedashurinë, duke ndjekur rrugën e vëllait hero, Afrimit.
Syla do të mbetet i paharrueshëm, si shok, bashkëveprimtar e kontribuues i madh për çështjen kombëtare.
I përhershëm qoftë kujtimi për Sylë Zhitinë!/Tv Malisheva