Edhe pse vazhdon t’i ndalojë qytetarët e saj të përdorin mediet e huaja sociale, Kina ka lejuar diplomatët dhe zyrtarët e qeverisë që të përdorin platformat e tilla, si Twitter e Facebook.
Zëdhënësi i Ministrisë së Jashtme, Geng Shuang deklaroi se në këtë mënyrë krijohet një komunikim më i mirë me qytetarët jashtë vendit dhe politikat e Kinës mund të promovohen më mirë.
Në Kinë është e ndaluar qasja ndaj medieve të huaja sociale, si Facebook e Twitter, ndërsa platformat alternative e tyre, Wechat dhe Weibo, i japin mundësi qeverisë ta përdorë teknologjinë si mjet kontrolli të shoqërisë.
