Kryetari i komunës së Deçanit, Bashkim Ramosaj ka lutur kryeministrin e Republikës së Kosovës, Albin Kurti dhe ministrat e Qeverisë që në menaxhimin e situatës tashmë të krijuar nga pandemia COVID-19, të jenë unifikues si institucion në vendimet që marrin dhe të cilat iu adresohen komunave për zbatim.
Sipas tij, deri më tani vendimet e pakoordinuara të dalura nga qeveria u kanë krijuar çoroditje në veprim.
“Situatat emergjente kërkojnë veprime praktike e konkrete. E në veçanti vendime të unifikuese, nga njëri prej juve”, ka shkruar ai në Facebook.
