39 kosovarë të ardhur nga Stambolli janë vendosur në karantinë.
Këtë lajm e ka bërë të ditur ministri i Infrastrukturës dhe Ambientit, Lumir Abdixhiku përmes një statusi në Facebook.
Ky është njoftimi i tij i plotë:
Sot herët në mëngjes kthyem në atdhe 39 qytetarë të Kosovës, të ngujuar jashtë; fëmijë, të moshuar, gra e burra. Dje kthyem ekipin Kombëtar të Boksit. Të gjithë do të vendosen në karantinë 14 ditore në Qendrën Studentore në Prishtinë.
Kthimi i qytetarëve të evidentuar nga ambasadat tona jashtë, në mënyrë të kujdesshme, të organizuar e pa rrezik për qytetarët këtu – do të vazhdojë. Këtë punë do ta bëjmë dhe zhvillimet tjera s’janë brenga e jona tani.
E falenderoj Ministrin Quni dhe Ushtrinë e Kosovës që menjëherë dhe me profesionalizëm po na ndihmojnë.
Qytetarët e ngujuar jashtë, që në urgjencë duan të kthehen në Ko sovë, duhet të vazhdojnë të kontaktojnë ambasadat tona. Secili i kthyer do të vendoset në Konvikte për 14 ditë
