Dihet që për të qëndruar në gjendje të shëndetshme, aspekti më i rëndësishëm që duhet marrë parasysh është ushqimi.
Zgjedhja e ushqimeve të duhura dhe ngrënia në një mënyrë të shëndetshme dhe të ekuilibruar është në fakt një mënyrë e mirë për të siguruar marrjen e ushqyesve të duhur pa rrezikuar të shtoni peshë ose pa rrezikuar shëndetin tuaj.
Nëse vitet e fundit, kjo vetëdije e re ka rikthyer vëmendjen në rëndësinë e mëngjesit, dreka është bërë një nga vaktet më të rrezikshme. Midis studimit, punës dhe shumë angazhimeve, duke përfshirë ndjekjen e njëri-tjetrit, koha për t’iu kushtuar drekës në fakt është gjithnjë e më e ngushtë. Dhe kjo ka çuar në një dietë gjithnjë e më të pasaktë, e cila duhet të rishikohet.
Pra, le të zbulojmë se cilat janë ushqimet që shumica e njerëzve hanë për drekë dhe që absolutisht duhet të shmangen.
Dreka, ja tre zgjedhjet që nuk duhet t’i bëni kurrë
Kur jeni në punë, pushimi i drekës nuk ju jep kurrë shumë kohë. Kështu që ju përfundoni duke shkuar në lokalin më të afërt ose duke marrë ushqim me vete. Në të dy rastet, ushqimet që zgjidhni të hani bëjnë diferencën.
Duke bërë një zgjedhje të gabuar, rrezikoni të kërcënoni shëndetin tuaj, sepse po flasim për të paktën 5 dreka të gabuara në javë. Një rrezik që nuk duhet të merret kurrë dhe që mund të shmanget duke eliminuar të paktën tre nga zgjedhjet më të njohura ndonjëherë.
Sanduiçi klasik. Kur nxitoni dhe doni të largoheni pak nga puna, zgjedhja që të gjithë bëjnë është një sanduiç. Për fat të keq, në shumicën e rasteve ju zgjidhni një të gabuar. Për shembull, ka sanduiçe të para-paketuara të pasura me ngjyra ose ato në dyqane, tashmë të paketuara, por të pasura me përbërës të përpunuar, të yndyrshëm dhe të kripur. Eshtë e panevojshme të thuhet, picat dhe sanduiçet duhet patjetër të shmangen.
Nëse nuk mund të bëni pa sanduiç, është e rëndësishme të siguroheni që është i shëndetshëm. Mënyra më e mirë është ta merrni atë nga shtëpia, duke zgjedhur një sanduiç të vogël me miell integral, me proteina dhe perime si domate ose spinaq.
Po ditët kur jeni me nxitim? Ju mund të gjeni një dyqan ushqimesh dhe të zgjidhni një sanduiç të vogël për t’u mbushur me proteina të shëndetshme. Do të kushtojë pak më shumë, por do t’ju mbajë më gjatë të ngopur dhe sigurisht që do të jetë më i shëndetshëm. Nëse zgjidhni sanduiçin për drekë, përpiquni të bëni një darkë të lehtë, bazuar në proteina dhe me karbohidrate që vijnë kryesisht nga perimet ose bishtajoret dhe frutat.
Makaronat. Janë të shumtë ata që për të shmangur sanduiçin klasik, zgjedhin pjatën me makarona. Edhe në këtë rast ju mund të zgjidhni midis asaj që gjendet në bare ose mensë dhe asaj që mund të merrni nga shtëpia. Kjo e fundit padyshim që mbetet zgjidhja më e mirë por për sa kohë që gatuhet në mënyrë të tillë që të jetë e ekuilibruar. Së pari ju duhet të zgjidhni makarona integrale. Asnjëherë mos përdorni vetëm domate sepse përveç se do ju marr uria shumë shpejt, do të rritet dhe niveli i sheqerit në gjak.
Preferohet të zgjidhni një pjatë makarona integrale. Mund të zgjidhni një sallatë makaronash (ose orizi) me ton dhe djathë ose makarona (gjithmonë integrale) me salcë, mish të lehtë dhe parmixhano. Në këtë mënyrë do të keni një vakt të ekuilibruar dhe që ju ngop. Ndërsa për ata që zgjedhin të hanë sanduiç, këshillohet që darkën ta kompensojnë me proteina dhe perime.
Fruta. Njerëzit e shëndetshëm ndonjëherë janë të bindur se dreka vetëm me fruta është një mënyrë e mirë për të qëndruar i lehtë dhe i shëndetshëm. Në realitet, megjithëse frutat janë një ushqim i shëndetshëm, gjithnjë duhet të mbahet mend se janë gjithashtu të pasur me sheqerna. Për këtë arsye, kur e shihni veten duke konsumuar shumë dhe pa ndihmën e proteinave ose burimeve të yndyrës, rreziku është që të rrisni sheqerin në gjak. Kjo gjë, përveç që ju bën të ndjeheni menjëherë të uritur, çon edhe në shtim në peshë. Frutat preferohen për meze, ndoshta të shoqëruara me kos grek pa sheqer ose një copë djathi. Gjatë drekës, veçanërisht nëse jeni duke punuar ose keni një ditë të ngarkuar, preferohet hani vakte të plota dhe të pasura me lëndë ushqyese. Në këtë mënyrë do të punoni më mirë dhe nuk do të ndjeni një uri të vazhdueshme. /TV Malisheva
