Këngëtarja e njohur shqiptare, Bleona Qereti, ka shprehur një mbështetje të pakursyer për kandidatin republikan, Donald Trump, në zgjedhjet e fundit në Amerikë.
Megjithëse ky i fundit pësoi humbje, duket se vazhdimisht e konteston rezultatin e zgjedhjeve, të cilat shfaqën fitues kandidatin demokrat Joe Biden.
Në një postim të bërë në rrjetin social Instagram, Trump iu referuar virusit vdekjeprurës, COVID-19, duke e krahasuar me gripin e zakonshëm sezonal.
“E mahnitshme. A do të fillojë gripi i zakonshëm të vrasë përsëri njerëz apo COVID e eleminoi atë njëherë e përgjithmonë”, ka shkruar Trump në Instagram.
Aty nuk ka munguar një koment i Bleonës, e cila ka hedhur dyshime për manipulimet në zgjedhje përmes pandemisë globale.
“Kjo gjëja e coronës ishte e gjitha në mënyrë që ata të mund të përdornin postën në votat e munguara – shumë e thjeshtë”, ka shkruar Qereti në komentin e saj.
Aty gjithashtu ka pasur një replikë nga një ndjekës që i ka thënë asaj se i vjen turp për komentin që ka bërë, ndërsa e njëjta i është kthyer ndjekësit duke i thënë se shpreson që “Jezusi ta ruajë atë”.
Këto replika dhe komente, Bleona i ka ndarë me ndjekësit e saj në Instagram, duke etiketuar edhe ish-presidentin Donald Trump. /TV Malisheva
