Donald Trump dhe administrata e tij do të humbin qasjen në llogaritë zyrtare të Shtëpisë së Bardhë në Twitter – duke përfshirë @POTUS dhe @WhiteHouse – kur Joe Biden betohet në 20 janar 2021, si presidenti i 46-të i Shteteve të Bashkuara.
Por me ndërrimin e presidentëve, ekipi i Biden do të rindërtojë bazën e ndjekësve në profilin e Twitter nga e para.
Në Ditën e Përurimit, Twitter do të rivendosë @POTUS, @WhiteHouse dhe llogaritë e tjera në zero ndjekës dhe do t’u bëjë përdoruesve kërkesa që të ndjekin përsëri llogaritë e reja të kontrolluara nga Biden, nëse ata duan ta bëjnë një gjë të tillë.
Postimet ekzistuese nga administrata Trump do të arkivohen në llogari të reja (p.sh., @ POTUS45 dhe @ WhiteHouse45) të mbajtura nga Administrata Kombëtare e Arkivave dhe Regjistrimeve (NARA)./TV Malisheva
