Përdorimi i makinave të ambulancës u rrit në vitin 2020 për shkak të pandemisë Covid-19.
Por, sipas medieve të huaja, përcjell Telegrafi, ndërsa ne shpresojmë se shumë më pak njerëz do të kenë nevojë për ambulanca këtë vit, së shpejti mund të ketë një mjet krejt të ri të transportit emergjent, të paktën në Nju Jork: ambulancat fluturuese
Kompania izraelite e hapësirës ajrore Urban Aeronautics njoftoi këtë javë se shiti katër “avionët e saj të parë të ngritjes dhe uljes vertikale (VTOL) te Hatzolah Air, një ofrues i transportit ajror të urgjencës mjekësore – jofitimprurëse – me seli në New York.
Organizata tashmë operon avionë me krah të fiksuar (që do të thotë të drejtuar nga helika ose të mundësuar nga një motor reaktiv, me krahë që nuk lëvizin) si pjesë e misioneve të saj të urgjencës.
Gjithsesi, “ambulanca fluturuese” nuk është një koncept i ri; ato kanë ekzistuar për një kohë të gjatë në formën e helikopterëve dhe avionëve.
Në fakt, Shoqata e Shërbimeve Mjekësore Ajrore vlerëson se rreth 550,000 njerëz barten në SHBA çdo vit.
Por Urban Aeronautics ’Cormorant CityHawk, siç quhet edhe fluturakja, do të sjellë disa tipare të reja funksionale në qiell.
Megjithëse është e lehtë, kabina e saj e brendshme është 20 deri në 30 për qind më e madhe se ajo e një helikopteri, që do të thotë se do të jetë në gjendje të “strehojë”, pacientin plus një shoqërues dhe pajisjet mjekësore (plus piloti) – pa u ngushtuar shumë./TV Malisheva
