Komisioni Qëndror i Zgjedhjeve në mbledhjen e mbajtur ditën e djeshme ka vendosur për moscertifikimin e disa kandidatëve për deputetë nga Lëvizja Vetëvendosje.
Të njëjtit lidhur me këtë çështje pritet të dërgojnë ankesë në Panelin Zgjedhor për Ankesa dhe Parashtresa, PZAP.
Lajmin e ka konfirmuar drejtuesi i zyrës për media në Lëvizjen Vetëvendosje, Arlind Manxhuka.
“Po do të dërgojmë ankesë në PZAP, e kemi paralajmëruar edhe në komunikatë” tha shkurt Manxhuka.
Ndërkohë edhe dy subjektet e tjera të cilave nuk iu janë certifikuar kandidatët për deputetë, Nisma Socialdemokrate dhe Aleanca për Ardhmërinë e Kosovës kanë dërguar ankesë në PZAP./TV Malisheva
