Gjilani ka vazhduar edhe sivjet me manifestimin mbarëkombëtar “Flaka e Janarit”, me qëllim të kujtimit dhe nderimit të dëshmorëve.
Por, këtë vit ndezja e flakadanit nuk u bë vetëm në një lokacion, por në tre të ndryshëm, diçka që ndodhi për herë të parë. Flakadani u ndez pranë Teatrit të qytetit, në sheshin “Nuhi Mala e Rexhep Berisha” dhe të varrezat në Kodrën e Dëshmorëve. Ndezja u bë nga përfaqësues të dy familjeve dhe drejtoresha për Kulturë në Komunën e Gjilanit.
Edicioni i sivjetmë i manifestimit tradicional “Flaka e Janarit” që do të zgjasë deri më 31 janar, do të përcjellët me ngjarje kulturore në këtë komunë.
Drejtoresha e Kulturës, Deniza Limani tha se ky muaj duhet përcjellë çdo herë me organizime të shumta kulturore.
Limani: Flaka e Janarit bëhet të nderuar dëshmorët (Video)
“Të gjitha shtyllat e flakës së janarit do të bëhen për nderë të tyre (dëshmorëve)… Uroj që ky muaj të përcjellë gjithmonë me manifestime sa më kulturore dhe shpresoj që kanë me u shtuar aktivitetet më shumë”, tha ajo.
E kryesuesja e Kuvendit Komunal të Gjilanit, Shpresa Kurteshi tha se heronjtë do t’i nderojnë gjithmonë.
Kurteshi: Heronjtë do t’i nderojmë gjithmonë
(Video)
“Heronjtë tanë do t’i nderojmë e kujtojmë gjithmonë, sepse ata kane qenë flakë e ndezur sikur aktiviteti i tyre, sikur gjaku i tyre, vazhdimisht për ta ndritur këtë vend, për t’i dhënë jetë e shpresë këtij shteti”, tha ajo.
Në emër të familjes Berisha dhe Mala, Bajram Berisha ka falënderuar për organizimin, duke uruar që gjaku i të rënëve për liri mos të harrohet asnjëherë.
Berisha: Mos të harrohet gjaku i dëshmorëve
(Video)
“Uroj që në asnjë vit asnjëherë mos të harrohet gjaku i të rënëve për liri”, tha ai.
Flaka e janarit përcjellët me aktivitete të ndryshme kulturore, letërsi, muzikë, art pamor e dramë, për t’i nderuar të gjithë heronjtë e kombit. /TV Malisheva /
