Presidenti i Rusisë Vladimir Putin u takua sot me kryeministrin e Britanisë së Madhe Boris Johnson në margjinën e një konference paqeje në Libi në Berlin, dhe Johnson shfrytëzoi rastin për ta thënë në mënyrë të qartë se marrëdhëniet bilaterale midis Moskës dhe Londrës nuk do të normalizohen.
Kryeministri britanik kërkoi që Rusia të përfundojë atë që e quajti një “aktivitet destabilizues” që po kërcënon Britaninë e Madhe, qytetarët e saj dhe aleatët, megjithëse nuk sqaroi saktësisht se çfarë do të thoshte.
Në vend të kësaj, Johnson iu referua edhe një herë çështjes së helmimit në Salisbury që Londra fajëson Moskën.
“Ai ishte i qartë se nuk kishte pasur ndonjë ndryshim në qëndrimin britanik për Salisbury, i cili ishte një përdorim i pamatur i armëve kimike dhe një përpjekje e pamatur për të vrarë njerëz të pafajshëm në tokën britanike. Ai tha se një sulm i tillë nuk duhet të përsëritet,” tha një zëdhënës i Johnson në një deklaratë, transmeton Reuters.
Problemi lidhet me një sulm kimik të vitit 2018 ndaj një ish-agjentit të dyfishtë rus në qytetin Salisbury për të cilin qeveria britanike fajësoi Rusinë.
Kremlini tha se Putin, Johnson dhe presidentja e Komisionit Evropian Ursula von der Leyen diskutuan çështje bilaterale dhe ndërkombëtare, përfshirë procesin e paqes libiane, transmeton TV Malisheva
