Sipas një sondazhi, një përqindje mjaft e lartë e gjermanëve dëshirojnë të vazhdojnë të mbajnë maska për të mbrojtur veten nga sëmundjet, edhe pas pandemisë së koronavirusit.
Nga pesë mijë persona të intervistuar nga instituti kërkimor “Civey”, 44,7 përqind e qytetarëve ishin në favor të vazhdimit të mbajtjes së maskave, ndërsa 41,9% thanë se do të preferonin të hiqnin atë.
Masat mbrojtëse kundër COVID-it, përfshirë bartjen e maskës, mbajtjen e distancës dhe larjen e shpeshtë të duarve, kanë ndikuar në rënien e numrit të rasteve me këtë virus. Këto masa po cilësohen si efektive edhe në parandalimin e sëmundjeve të tjera, të transmetueshme.
Sipas studimit të kryer nga “Civey”, rezulton se të moshuarit preferojnë më shumë bartjen e maskave, në raport me të rinjtë.
Mbi 54 përqind e të intervistuarve mbi moshën 65 vjeçare kanë thanë se duan të vazhdojnë me mbajtjen e maskës për të parandaluar përhapjen e viruseve./TV Malisheva
