Policia e Kosovës ka arrestuar sot një person 54-vjeçar, pasi gjatë një kontrolli në shtëpinë dhe objektet e saj ndihmëse në Kufc i Epërm të Novobërdës, janë gjetur një sasi armësh.
Me këtë rast policia ka konfiskuar një pushkë automatike me pesë karikatorë, njëqind e tetëdhjetë e katër fishekë të kalibrit 7.62 mm, dhe një pistoletë TT, me dhjetë fishekë dhe dy karikatorë kalibri 7.62.
Me urdhër të Prokurorisë kompetente i dyshuari dërgohet për 48 orë në mbajtje, për procedura të mëtejme hetimore./TV Malisheva
