Regard Aliu është DJ i parë kosovar, i cili ka thyer kufijtë e suksesit në muzikë.

Ai ka ndërtuar një karrierë të suksesshme në arenën ndërkombëtare, e cila karakterizohet me hite të shumta që janë dëgjuar me miliona herë në platformat muzikore.

Regard ka aktualisht dy këngë të certifikuara me pllakatat platinum, për dy këngët shumë të suksesshme të tij: “Ride It” dhe “Secrets”.

Ka qenë menaxheri i tij, Hajriz Bajrami, ai i cili ka vënë në dukje këtë sukses të DJ-it kosovar, duke pozuar me mirënjohjet e tij dhe më pas duke veçuar suksesin e së cilës prej tyre, si dhe të këngës “How I Move” të interpretuar nga Flip Dinero dhe Lil Baby.

“Ride It” përkatësisht regjistron 1,200,000 shitje në Mbretërinë e Bashkuar dhe “Secrets” 600,000 shitje në po të njëjtin vend, ndërsa “How I Move” nga Flip Dinero dhe Lil Baby plot 1,000,000 shitje në ShBA.

Kujtojmë që Regard pati një moment kulminant në karrierë sivjet, duke arritur të nominohet në atë që njihet si mbrëmja më e madhe muzikore e çmimeve britanike, Brit Awards 2021.

Pavarësisht nominimit për çmimin “Kënga më e mirë britanike e vitit”, “Secrets” të cilën Regard e interpreton në bashkëpunim me Raye, nuk arriti ta fitojë çmimin, i cili shkoi në duart e Harry Styles, për këngën “Watermelon Sugar”. /TV Malisheva

Share.