Reperja e njohur shqiptare, Loredana Zefi, është duke shijuar suksesin albumit të saj më të fundit, i cili erdhi në bashkëpunim me Mozzik.
“No rich parents” ka rezultuar të jetë i suksesshëm dhe i pëlqyeshëm nga fansat, teksa dyshja po kujdesen që shumë nga këngët t’i realizojnë edhe me klipe.
Loredana në anën tjetër vazhdon të jetë aktive dhe shumë e ndjekur në rrjetet sociale, përmes së cilave ndan me ndjekësit fotografi dhe video të ndryshme nga jeta e përditshme.
Së fundmi, ajo ka publikuar në InstaStory një imazh, ku shfaqet duke pozuar në bikini, teksa vë në pah vijën trupore.
Tatuazhet e shumta përgjatë trupit dhe dukja natyrale, e bënin reperen nga Ferizaj që të duket edhe më atraktive dhe provokuese.
“Gruaja e Mozzikut”, shkroi ajo në mbishkrimin e kësaj fotografie, teksa ka pranuar pëlqime dhe komente të shumta nga fansat.
Loredana dhe Mozzik përndryshe janë prindër të dy fëmijëve, teksa e ruajnë me fanatizëm jetën e tyre private. /TV Malisheva
