Fejohet këngëtarja Valza Zhegrova

Ajo ka bërë tërheqjen nga muzika pothuajse që një vit.

Bëhet fjalë për këngëtaren e njohur, Valza Zhegrova, e cila po ashtu në të njëjtën kohë në shtator ndërpreu kontratën me labelin “Mixey Music”.

Kjo pasi dëshironte të studionte në Belgjikë dhe tashmë që një kohë është distancuar edhe nga rrjetet sociale.

Valza, e cila shquhet për një sërë projektesh të suksesshme, ka njoftuar së fundmi se i ka dhënë fund beqarisë.

Në disa nga postimet që ka ndarë në rrjete sociale, Zhegrova tregon se është fejuar me partnerin e saj, avokatin Nazmi Vërtopi.

Ata duket se momentalisht po shijojnë pushimet në Turqi dhe se atje kanë vendosur të ndërmarrin hapin e ri në jetën personale.

Valza dhe Nazmiu bënë publike romancën e tyre të dashurisë në gusht të vitit 2020. /TV Malisheva