Një lehonë 26 vjeçare nga Komuna e Vitisë ka vdekur sot si pasojë e infektimit me coronavirus.
Lajmin për Telegrafin e ka konfirmuar doktori i Klinikës së Mjekimit Intensiv në QKUK, Gazmend Spahija.
Spahija ka thënë se viktima i është nënshtruar më 2 shtator operacionit kirurgjik cezarian në Klinikën e Gjinekologjisë, për të kryer lindjen në javën e 38-të.
“Po është e vërtetë. Rreth orës 02:30 të ditës së sotme pacientja e lindur në vitin 1995 ka vdekur nga COVID-19. Ajo i ishte nënshtruar operimit cezarian për kryerjen e lindjes mirëpo për shkak të gjendjes së rënduar, pasi ka pasur dëmtim të madh të mushkërive, është sjellë në mjekim intensiv”, ka thënë ai.
Ndryshe edhe një foshnjë 3 javëshe ka humbur jetën si pasojë e infektimit me COVID-19. Brenda javës në Kosovë kanë humbur jetën 147 persona në mesin mesin e tyre gra shtatzëna, lehona dhe persona më të rinj se 40 vjeç. /TV Malisheva
