Golashënuesi më i mirë në historinë e ligës australiane Besart Berisha, është afër transferimit të tij në Superligën e Kosovës.
Sipas gazetarit sportiv të Artmotion Arlind Sadiku, ai është në negociata me dy klube, Ballkanin dhe Prishtinën.
Nga informacionet që i ka siguruar, sulmuesi nga Kosova gjatë javës pritet të vijë në Kosovë dhe të vendos për të ardhmën.
Besart Berisha në dy sezonet e kaluara ka shënuar 26 gola dhe ka bërë tre asistime për ekipin Western United në Australi.
