Studiuesit e MyHeritage hulumtuan kur 1,000 fitues të çmimeve prestigjioze kishin lindur për të zbuluar ditëlindjet që ka shumë të ngjarë të sjellin sukses.
Çmimet ishin Grammy, Oscars, kampionatet botërore, Globi i Artë, Çmimet Pulitzer, Çmimet Nobel, Çmimet Booker, Palmat e Artë dhe Lojërat Olimpike.
Nga 365 ditë në vit, 30 prilli doli të jetë dita që sjell më shumë fitues. Ndër 1000 fituesit ose kandidatët e përzgjedhur, 11 janë lindur në këtë datë.
Yjet e famshëm të lindur në këtë ditë janë reperi Travis Scott, aktorja Gal Gadot dhe aktorja Kirsten Dunst.
Data e dytë më e lidhur ngushtë me fitimin e çmimeve prestigjioze është 27 prilli. Janë gjithsej tetë nga 1000 fitues dhe kandidatë që u përzgjodhën në listën e ngushtë janë këngëtarja dhe fituesja e Grammy Lizzo si dhe aktorja dhe fituesja e Golden Globe Sally Hawkins, të cilat janë lindur në këtë ditë.
Prilli rezultoi të ishte muaji më i suksesshëm dhe 99 fitues të çmimeve më prestigjioze u lindën këtë muaj. Nëntori zuri vendin e dytë me 94 fitues. Midis tyre është fituesja e Oscar dhe Golden Globe Anne Hathaway si dhe fituesi i yllit Michelin Gordan Ramsay.
Marsi ishte muaji i tretë më i suksesshëm, me 92 fitues. Sipas këtij hulumtimi, shkurti është muaji më pak i suksesshëm. Vetëm 58 fitues janë lindur në këtë muaj. Midis tyre është futbollisti dhe fituesi i Kupës së Botës Cristiano Ronaldo si dhe fituesi i Oskarit Daniel Kaluuya, shkruan The Sun. /TV Malisheva
