Ekspertët mbretërorë kanë kritikuar një film të ri të quajtur Spencer, komploti i të cilit sillet rreth Princeshës Diana.
Në film, Diana është portretizuar si emocionalisht e paqëndrueshme dhe e prirë për të dëmtuar veten. Në një skenë, princesha shfaqet duke imagjinuar që të hidhet poshtë shkallëve ose të mbyt veten me një gjerdan margaritar që i është dhënë nga Princi Charles.
Një skenë përshkruan luftën e saj me buliminë. Princesha qan dhe përpiqet të vjellë dhe halucinon për vdekjen e saj. Ekspertët iu referuan gjithashtu skenës në dush ku Lady Di masturbohet.
Biografët mbretërorë pohojnë se princeshës së ndjerë iu hoq dinjiteti me këtë film, shkruan Daily Mail.
“Është shumë mizore ta tregosh kështu. Ishte krejtësisht e panevojshme. William dhe Harry do të zemërohen për këtë. Ata do të tmerrohen që nëna e tyre është portretizuar kështu në një film kaq të madh,” tha Ingrid Seward nga revista Majesty.
Penny Junor, një ekspert për familjen mbretërore, pajtohet se disa gjëra në film janë të panevojshme dhe të ekzagjeruara.
“Mund të them vetëm – William i varfër. Dhe le ta lëmë Dianën të paktën një thërrime dinjiteti. E di që William ishte atje kur ishte e pakënaqur, por më duket sikur filmi është faktikisht i pasaktë,” tha Penny.
Në një skenë, Princi William në prag të lotëve i lutet nënës së tij që të bashkohet me të për darkë, ndërsa ajo është e mbyllur në banjë dhe vetë-dëmtohet. Më pas, Diana shfaqet me fytyrën e lyer me bojë për vetulla dhe pyet djalin e saj nëse e pa Camilla Parker Bowles në mëngjesin e Krishtlindjeve në kishë.
Filmi u shfaq në Festivalin e Filmit në Venecia, dhe rolin e Lady Di e luajti Kristen Stewart. /TV Malisheva
