Mesfushori spanjoll Rodri ka fituar çmimin për golin më të mirë të shënuar në muajin nëntor.
Mesfushori i Manchester Cityt lëshoi një super goditje me prekjen e parë të topit nga 25 metra largësi, duke e dërguar topin në rrjetë më një shpejtësi marramendëse, përcjell TV Malisheva.
Kjo është hera e parë që Rodri e fiton këtë çmim, ku edhe u bë lojtari i parë i Manchester Cityt që e fiton këtë që nga Kevin De Bruyne në korrik të vitit 2020.
Goli tejet i bukur i mesfushorit spanjoll u zgjodh nga një panel i ekspertëve i kombinuar me vota të publikuar, duke mposhtur shtatë kandidatët e tjerë.
Rodri ishte në garë për golin më të mirë të muajit nëntor së bashku me Barnes të Leicester Cityt, Alexander-Arnold të Liverpoolit, Kante të Chelseat, Cornet të Burnleyt, Jimenez të Wolverhamptonit, Sterling të Manchester Cityt dhe McGinn të Aston Villas.
Golin e Rodrit e gjeni më poshtë.
𝐈𝐧𝐜𝐫𝐞𝐝𝐢𝐛𝐥𝐞. 🚀@ManCity's Rodri has been crowned your Goal of the Month winner for November! pic.twitter.com/E266Z9tNkl
— Budweiser Football (@budfootball) December 10, 2021
