Në rrethinat e Lushnjës, situata e prurjeve në lumenjtë që kalojnë në këtë rreth, momentalisht paraqitet e normalizuar.
Në lumin Shkumbin niveli i ujit është nën dy metra në shtratin e tij. Por nuk është e njëjta situatë në zonat ku kalon lumi Seman.
Konkretisht në njësinë administrativë Bubullimë në fshatin Imsht niveli i lumit Seman ka dalë nga shtrati duke iu afruar argjinaturës.
Sipas banorëve prurjet e lumit gjatë natës kanë bërë që niveli të rritet duke bërë që të arrijë deri në 2 metra nën nivelin e argjinaturës duke bërë që të gjithë të mbjellat buzë lumit të përmbyten.
Sipërfaqe të tëra tokash të mbjella me grurë e foragjere të tjera nuk duken më. Ajo që i qetëson pak banorët është ulja e prurjeve ditën e sotme që do të thotë më pak rrezik për banesat e tyre.
Për të parë situatën ne terren ka qenë dhe kryetarja e bashkisë Lushnjë Eriselda Sefa. Ajo deklaroi që situata është në monitorim për sa i përket prurjeve dhe zonave ku ka rrezik. Sipas Sefës, nuk ka zona ku rrezikohen banesa.
Nga erërat dhe shirat ka pasur probleme me shkëputjen e energjisë në disa fshatra ku po punohet për rekuperimin e defekteve./tch
/TV Malisheva
