Irpin – një qytet rreth 20 km në veri perëndim të Kievit – është dëmtuar masivisht nga bombardimet dhe sulmet ajrore.
Fotot e mëposhtme tregojnë skenat kaotike të njerëzve që mundohen të largohen në mes të shpërthimeve që buçasin në sfond.
Në njërën prej pamjeve dhjetëra qytetarë ukrainas shihen teksa mundohen të evakuohen duke kaluar nëpërmjet një ure të shkatërruar nga sulmet ruse.
Të detyruar të largohen në këmbë dhe me ndihmën e ushtarëve ukrainas, kjo turmë njerëzish po mundohet të evakuohet me anë të një shtegu të improvizuar i cili kalon mes për mes një ure të shkatërruar nga sulmet ajrore ruse.
Qyteti i Irpin është shënjestruar prej ditësh nga sulmet ruse, të cilat kanë dëmtuar zona rezidenciale, ndërtesa, rrugë dhe ura.
Trenat kanë qenë mënyra kryesore me anë të të cilës banorët e këtij qyteti po mundohen të largohen me shpresën se do të evitojnë sulmet e fuqishme nga ajri. Mes tyre ka pasur edhe të moshuar.
