Presidenti Francez Emmanuel Macron ka dënuar qeverinë britanike për dështimin në përmbushjen e “deklaratave të mëdha” në lidhje me ndihmën e refugjatëve ukrainas, raporton BBC.
Në samitin e BE-së në Versajë, Macron kritikoi politikën e vizave të Britanisë, e cila kërkon që aplikantët të aplikojnë personalisht në Bruksel ose Paris.
Macron thotë se kjo ka përkeqësuar më tej rrethanat për ata që ikin nga lufta. “Pavarësisht të gjitha deklaratave të mëdha, qeveria britanike ka vazhduar të zbatojë rregullat aktuale që do të thotë se nuk pranon refugjatë ukrainas që duan të mbërrijnë në tokën britanike, duke thënë se duhet të udhëtojnë qindra kilometra për të aplikuar për vizë”, tha presidenti francez. tha.
Ministri britanik: Ne po e bëjmë procesin më të shpejtë dhe më të thjeshtë
“Shpresoj që burrat dhe gratë ukrainase që kanë përjetuar tmerr dhe kanë kaluar Evropën për të arritur familjet e tyre në MB do të trajtohen më mirë,” shtoi ai. Këtyre vërejtjeve iu përgjigj sekretarja britanike e Brendshme, Priti Patel.
“Duke eliminuar nevojën për të vizituar fizikisht qendrat e aplikimit për viza, ne po e bëjmë procesin më të shpejtë dhe më të lehtë për shumë njerëz që janë në një udhëtim të rrezikshëm nëpër Evropë”, tha ajo.
/TV Malisheva
