Dy persona janë vrarë nga një sulm ajror që e ka goditur një ndërtesë banimi në Kiev. Kështu thotë shërbimi i emergjencës shtetërore të Ukrainës.
Ndërsa, 35 persona të tjerë janë shpëtuar.
Administrata e qytetit të Kievit e ka përpiluar një listë të ndërtesave në kryeqytetin ukrainas që janë dëmtuar nga bombardimet gjatë natës:
Nga ky sulm u dëmtuan dy ndërtesa banimi me nëntë dhe 16 kate në rrethin Sviatoshynskyi, një ndërtesë banimi 10-katëshe në rrethin Podilskyi, një shtëpi në sektorin privat të rrethit Darnytskyi si dhe një pjesë e stacionit të metrosë Lukyanivska. Linja e metrosë është ende në punë.
/TV Malisheva
