Kremlini u është përgjigjur komenteve të presidentit amerikan, Joe Biden, i cili ka thënë se përkrah idenë e largimit të Rusisë nga grupi i 20 vendeve me ekonomitë më të mëdha, si përgjigje ndaj pushtimit rus të Ukrainës.
Kremlini beson se kjo gjë nuk do të ishte katastrofike, raporton BBC.
“Formati i G20-ës është i rëndësishëm, mirëpo në kushtet aktuale, kur shumica e pjesëmarrësve janë në luftë ekonomike me ne, asgjë e tmerrshme nuk do të ndodhë”, ka thënë zëdhënësi i Kremlinit, Dmitry Peskov para gazetarëve.
Peskov ka thënë se bota është më e madhe sesa Shtetet e Bashkuara dhe Evropa, dhe ka parashikuar se përpjekjet për ta izoluar Moskën do të dështojnë.
Rusët janë duke u përballur me çmime në rritje dhe mungesë të disa mallrave, pasi Shtetet e Bashkuara, Bashkimi Evropian, Mbretëria e Bashkuar dhe disa vendeve aleate kanë vendosur masa për të dëmtuar ekonominë ruse.
/TV Malisheva
