Të dërguarit e Ukrainës dhe Rusisë u takuan në Turqi, në zyrën e Presidentit Recep Tayyip Erdoğan në Stamboll.
BBC shkruan se ata ishin ulur në tavolina të gjata, përballë njëri-tjetrit dhe iu drejtua nga lideri turk. Meqë ra fjala, këto janë bisedat e para ballë për ballë në më shumë se dy javë, por shpresat për ndonjë përparim nuk janë të mëdha.
Erdogan tha se ishte i trishtuar që konflikti kishte hyrë në javën e pestë. Turqia, një anëtare e NATO-s, ka marrëdhënie të mira me të dy vendet dhe dëshiron të jetë ndërmjetëse në negociata.
Erdoğan kishte kundërshtuar më parë sanksionet e vendosura ndaj Rusisë, por gjithashtu bëri thirrje për një armëpushim të menjëhershëm.
Erdogan tha se priste rezultate solide të bisedimeve, duke theksuar se paqja nuk do të kishte humbës. “Ju po vendosni bazat e paqes me direktivat e liderëve tuaj. Një armëpushim i menjëhershëm dhe nga paqja do të përfitonin të gjithë”, tha presidenti turk, i cili mori duartrokitje nga të pranishmit pas fjalimit të tij.
/TV Malisheva
