Mbi një milion ukrainas kanë udhëtuar falas në PKP Intercity, operatori hekurudhor polak, tha sot një anëtar i bordit të kompanisë.
PKP Intercity ofron bileta falas për ukrainasit që kanë ikur nga pushtimi rus.
“Deri në orën 12 të mesditës, ne kishim lëshuar 1.050.000 bileta falas për qytetarët ukrainas”, tha Tomasz Gontarz në një konferencë për shtyp të mërkurën.
“Kjo tregon shkallën e kërkesës që ne po i përgjigjemi duke ofruar transport falas,” shtoi ai.
Shtetasit ukrainas kanë qenë në gjendje të marrin bileta të klasës ekonomike pa pagesë në trenat standardë që nga 26 shkurt.
PKP Intercity ka shtuar gjithashtu 5.000 vagonë në 1.500 trenat e saj të planifikuar që nga fillimi i krizës.
Gontarz shtoi se kërkesa për bileta hekurudhore tani përputhet me atë të sezonit të pikut të pushimeve verore.
Nga prilli, PKP Intercity do të modifikojë rregullat për biletat falas, të cilat do të jenë të disponueshme vetëm për gratë, fëmijët, personat me aftësi të kufizuara dhe personat ukrainas mbi 60-vjeç, transmeton PAP.
/TV Malisheva
