Instituti Shëndetit Publik i Shqipërisë informoi sot se është konfirmuar prezencë në qarkullim e varianteve BA1 i Omikron dhe të BA2.
ISHP njoftoi se nga laboratori i referencës në Gjermani u informua me prurjen e përgjigjeve të mostrave të dërguara për sekuencim, ku nga totali i 556 mostrave ka rezultuar se sundon varianti BA1 i Omikron, por ka edhe prezencë në qarkullim dhe të BA2.
Gjithashtu në një përqindje shumë të ulët dhe qarkullim të variantit delta.
Sipas të dhënave rezulton prezenca si më poshtë:
86%(476) janë mostra BA1
8.3%(46) janë mostra BA2
3% (18) janë mostra delta
Shpërndarja e rasteve BA2 është më e lartë në komunitet krahasuar me rastet spitalore.
Siç ka ndodhur dhe në vendet e tjera ISHP paralajmëroi se ka gjasa që ky variant të kalojë në një variant dominues kundrejt varianteve të tjera për shkak të trasmetueshmërisë së lartë.
/TV Malisheva
