Administrata e presidentit amerikan Joseph Biden është e gatshme të zgjerojë në mënyrë dramatike fushën e armëve që i ofron Ukrainës, shkruan Washington Post.
Gazeta thekson, duke iu referuar disa zyrtarëve amerikanë që kërkuan anonimitetin, se Pentagoni dëshiron të transferojë automjetet e blinduara të Humway dhe pajisje të tjera të sofistikuara në Ukrainë, duke shtuar se vlera e paketës së re të ndihmës ushtarake për Ukrainën mund të jetë 750 milionë dollarë.
Planet paraprake për të ndihmuar Kievin përfshijnë helikopterët Mi-17, obuset, dronët e mbrojtjes bregdetare dhe kostume mbrojtëse në rast të një sulmi kimik, biologjik ose bërthamor, por nuk dihet ende nëse të gjitha këto artikuj do të jenë në paketën përfundimtare të ndihmës.
Zëdhënësi i Pentagonit, John Kirby nuk pranoi të komentojë mbi akuzat.
Një zyrtar i sigurisë amerikane i paidentifikuar tha se helikopterët e prodhuar nga Rusia nuk do të përfshihen në ndihmën për Kievin, sipas Washington Post.
Më herët, Reuters raportoi se Shtetet e Bashkuara do t’i dërgojnë Ukrainës ndihmë shtesë në armë me vlerë 750 milionë dollarë.
/TV Malisheva
