Një nënë ukrainase dhe foshnja e saj tremuajshe u vranë nga një raketë ruse në Odesa dhe ato tashmë janë identifikuar.
Valeria Hlodan, 27 vjeçare, dhe vajza e saj e vogël Kira ishin në banesën e tyre kur ndodhi sulmi. Nëna e Hlodan, e cila ishte me origjinë nga Rusia, u vra gjithashtu.
Sulmi shkaktoi zemërim në Ukrainë ndaj Putinit për sulmin me raketa në qytetin bregdetar, i cili goditi bllokun e banimit të familjes ndërsa supozohet se synonte një objektiv ushtarak duke përdorur një bombardues strategjik Tu-95 që fluturonte mbi Detin Kaspik, sipas raporteve, transmeton Klankosova.tv.
Në fjalimin e tij të zakonshëm të natës drejtuar kombit, Zelensky u zotua të gjejë dhe të ndëshkojë ata që janë përgjegjës për sulmin me raketa.
“Lufta filloi kur kjo foshnjë ishte njëmuajshe. Mund ta imagjinoni se çfarë po ndodh?”, tha Zelensky. “Ata janë thjesht të pabesë. Unë nuk kam fjalë të tjera për të, vetëm dëshpërim”./TV Malisheva
