Rusia njoftoi se do të lejojë hapjen e një korridori humanitar për evakuimin e civilëve që duan të largohen nga uzina e rrethuar e celikut Azovstal në qytetin e Mariupolit.
Pala ruse tha se armëpushimi ka hyrë në fuqi dhe në këtë mënyrë, mjaft civilë do të kenë sipas saj, rastin të largohen nga kompleksi. Raportohet se rreth 1.000 civilë janë ngujuar në këtë uzinë, së bashku me luftëtarët e fundit ukrainas që po mbrojnë qytetin. Vladimir Putin i urdhëroi më herët trupat e veta që ta bllokojnë kompleksin, në mënyrë që prej tij të mos largohet “as edhe një mizë” pa miratimin e tyre.
Ndërkohë, flakët u ngritën deri në qiell orët e para të ditës së sotme pasi sulme të ndërmarra me rakerta ukrainase hodhën në erë dy depozita nafte, që përdoreshin për të furnizuar trupat ruse të angazhuara në betejën për kontrollin e Donbasit.
Depoja e Transneft-Druzhba, të vendosura në qytetin e Bryansk rreth 100 km nga kufiri ukrainas, u përfshi nga flakët në orën 2 të mëngjesit me orën lokale e 15 minuta më vonë, një zjarr i dytë shpërtheu në një objekt ushtarak aty pranë rreth 15 minuta më vonë. Videoja e momentit të sulmit përfshinte dhe tingullin e një rakete që godiste objektin duke e kthyer në një lëmsh zjarri.
Bryansk është një qendër kyce logjistike për forcat ruse që luftojnë Ukrainën në Donbas, ndërsa tubacioni Druzhba është një nga rrugët kryesore që nafta ruse të arrijë në Europë. Shpërthimet erdhën pasi inteligjenca britanike njoftoi se Rusia kishte ‘ende shumë për të bërë për të arritur një përparim të rëndësishëm’ kundër linjave mbrojtëse në Donbas, teksa Ukraina ka imponuar një ‘kosto të konsiderueshme’ për forcat e Putinit.
Ministria e Mbrojtjes e Britanisë tha se mbështetja e dobët logjistike dhe luftarake po e pengojnë avancimin e ushtrisë së Moskës, ashtu sic ndodhi edhe me përpjekjen e dështuar për të marrë Kievin.
/TV Malisheva
