Mediat serbe që kontrollohen nga pushteti i presidentit Vuçiq shkruajnë se Serbia do të aktivizojë kampanjën e saj për tërheqjen e njohjeve ndaj Kosovës nga disa shtete nëse Prishtina zyrtare aplikon për anëtarësim në Këshillin e Evropës.
Sipas Novostit, Serbia ka premtime të forta se 14 shtete janë gati ta tërheqin njohjen e pavarësisë së Kosovës.
Sipas tyre, deklarata e kryeministrit të Kosovës, Albin Kurti në konferencën me kancelarin Olaf Scholz se Kosova synon aplikimin në Këshillin e Evropës është shkelje e Marrëveshjes së Uashingtonit, e që lë të hapur mundësinë që Serbia të tërhiqet nga marrëveshja e nënshkruar.
Pas takimit në Berlin, presidenti Vuçiq ka theksuar se nëse nuk respektohet Marrëveshja e Uashingtonit “duart tona do të përcaktohen.”
Sipas zyrtarëve serbë, Beogradi s’do ta bëjë lëvizjen e parë “pasi do të deklaroheshin si provokatorë”.
Diplomati serb në pension, Zoran Milivojeviq, thotë se njoftimi i kryeministrit Kurti për aplikim në Këshillin e Evropës nuk është vetëm deklaratë e tij por është e sinkronizuar me perëndimin e që kancelari Scholz është i mirë informuar për këtë.
/TV Malisheva
