Në orët e para të mëngjesit të së enjtes ka ndodhur një shpërthim në një fabrikë kimike në Slloveni.
Përmes një postimi në Twitter, Administrata e Republikës së Sllovenisë ka raportuar për 20 persona të plagosur dhe 2 persona të djegur në gjendje të rëndë.
Në vendngjarje kanë qenë të pranishëm ndihmat mjekësore, zjarrfikësit dhe helikopterët.
Personat e lënduar janë transportuar në spitalin ushtarak të Sllovenisë.
Ndërtesa e fabrikës është dëmtuar, ku shpërthimi ka shkaktuar dëme shumë të mëdha.
Administrata u ka bërë thirrje njerëzve për të qëndruar brenda derisa të shuhet zjarri.
Ndërhyrja e forcave policore dhe të zjarrëfikësve ka qenë e suksesshme, pasi vetëm disa orë më vonë kanë shuar zjarrin.
/TV Malisheva
