Përfaqësuesi i Lartë ndërkombëtar në Bosnje e Hercegovinë, Christian Schmidt i ka thënë Këshillit të Sigurimit në OKB se serbët e Bosnjës po përpiqen të shkëputen.
Schmidt ka ngritur shqetësimet e tij se Republika Serbe e Milorad Dodikut po e minon sovranitetin e Bosnjes dhe ka apeluar te komuniteti ndërkombëtar që të reagojë dhe të garantojë të drejtat e popullit të Bosnjës sipas marrëveshjes së paqes së Dejtonit të vitit 1995 shkraun Associated Press.
Ai tha se pasojat e një shkëputje të serbëve të Bosnjes do të prodhojnë efekt në tërë Ballkanin Perëndimor.
Në raportin e tij drejtuar Këshillit të Sigurimit të shpërndarë të martën, Schmidt paralajmëroi se potenciali i Bosnjës “për t’u shndërruar në një krizë sigurie është shumë real”.
Ai tha se është mirënjohës për forcën e Bashkimit Evropian, EUFOR-ALTHEA, e cila po zbaton anën ushtarake të marrëveshjes së Dejtonit, “si një masë e ndërtimit të besimit dhe një mjet i domosdoshëm për të ruajtur paqen dhe stabilitetin në Bosnje dhe Hercegovinë”.
Schmidt foli për herën e parë në Këshillin e Sigurimit pavarësisht protestave nga Rusia dhe Kina se ai nuk është përfaqësuesi i lartë legjitim sepse emërimi i tij nuk u miratua nga 15 anëtarët e tij.
/TV Malisheva
