“Donbasi do të jetë përsëri i Ukrainës”. Kështu deklaroi presidenti i Ukrainë, Volodymyr Zelensky, gjatë një fjalimi mbrëmjen e së premtes.
Ai e ka vlerësuar situatën në Donbas si shumë të vështirë, duke iu referuar shtimit të ndjeshëm të sulmeve ruse në atë rajon të Ukrainës.
Një ditë më parë, Volodymyr Zelensky, ka akuzuar Moskën për gjenocid në Donbas. “Ofensiva aktuale e pushtuesve në Donbas mund ta bëjë rajonin të pabanuar. Ata duan të djegin e të bëjnë hi Popasna, Bakhmut, Lyman, Lysychansk dhe Severodonetsk, si Volnovakha, si Mariupoli”, tha Zelensky
Në qytetet më afër kufirit rus si Donetsk dhe Luhansk, forcat ruse “mbledhin të gjithë ata që munden për të mbushur vendin e të vrarëve dhe të plagosurve në kontingjentin pushtues”, shtoi ai.
/TV Malisheva
