Gazetarja ruse Maria Ponomarenko, e cila u arrestua në Shën Petersburg në prill me akuzën e diskreditimit të forcave të armatosura ruse në postimet e mediave sociale për luftën në Ukrainë, është transferuar në një spital psikiatrik siberian, tha avokati i saj.
Sergej Podolsky tha se Ponomarenko do të jetë nën vëzhgim në Spitalin Psikologjik Klinik Altai për 28 ditë.
Ponomarenko, e cila jeton dhe punon në qytetin Barnaul në rajonin e Altait dhe është nënë e dy fëmijëve të vegjël, u transferua nga Shën Petersburg në Barnaul në fund të muajit të kaluar.
Ajo përballet me 10 vjet burg për postimin në Telegram në lidhje me bombardimin rus të një teatri në qytetin ukrainas Mariupol që vrau qindra civilë.
Një ligj rus i miratuar në mars penalizon shpërndarjen e raporteve “të rreme” që “diskreditojnë forcat e armatosura”.
/TV Malisheva
