Ministri i Financave, Hekuran Murati ka shkruar se janë 164,388 fëmijë e 19,753 lehona që kanë pranuar shtesa që nga shtatori i vitit të kaluar e deri më sot.
Ai ka shkruar se vetëm këtë muaj janë 10,853 fëmijë që i janë shtuar skemës së shtesave për fëmijë e 1,992 gra skemës së shtesave për lehonat.
“I patëm premtuar e po i paguajmë çdo muaj. Të hënën Ministria e Financave, Punës dhe Transfereve do të realizojë pagesat për këto dy skema. Në muajin gusht do të hapim aplikimin për shtesat për fëmijë edhe për një gjeneratë, për të gjithë fëmijët që kanë lindur në vitin 2013. Kështu do të vazhdojmë deri në përmbushjen e plotë të premtimit për të përfshirë të gjithë fëmijët e Republikës deri në moshën 16 vjeçare në skemën e shtesave për fëmijë”, ka shkruar ai./TV Malisheva
