Komuna e Malishevës, përkatësisht Drejtoria e Urbanizmit, e ka detyruar operatorin ekonomik, i cili është duke ndërtuar rrugën Malishevë-Banjë, që të eliminoj defektet që janë gjetur në asfaltimin e rrugës. Me këtë rast, komuna paralajmëron të gjithë operatorët që kryejnë punime, se nuk do të tolerohen mangësitë apo defektet në realizimin e projekteve.
Drejtori i Drejtorisë së Urbanizmit, në Komunën e Malishevës, Avdi Morina, që së bashku me zyrtarët përgjegjës komunal, i ka inspektuar punimet që duke u kryer në rrugën Malishevë-Banjë, ka deklaruar se “në asnjë mënyrë dhe tek asnjë operator, nuk do të lejohen lëshime të tilla gjatë realizmit të projekteve”.
Sipas drejtorit Morina, “operatori ekonomik, nuk e ka realizuar projektin sipas kritereve dhe si pasojë janë shfaqur disa defekte në këtë rrugë, andaj e kanë detyruar operatorin që të eliminoj të gjitha defekt, të bëjë gërryerjen e tërësishme të rrugës dhe ta shtroj përsëri me asfalt (shtresën e dytë) rrugën në tërësi”.
/TV Malisheva
