Sëmundja epidemike e fruthit është rikthyer në katër vendet evropiane, sipas Organizatës Botërore të Shëndetit (OBSH).
Sëmundja nuk konsiderohet më e çrrënjosur në Shqipëri, Republikë Çeke, Greqi dhe Mbretëri të Bashkuar.
“Jemi duke bërë lëvizje mbrapa. Jemi në rrugën e gabuar,” deklaroi Kate O’Brien nga Departamenti i Imunizimit të OBSH-së, transmeton lajmi.net.
Fruthi është një sëmundje ngjitëse, simptomat e së cilës janë kollitja, skuqja, ethet dhe temperatura.
Sëmundja mund të parandalohet përmes dy dozave të vaksinës MMR.
Ekspertët shëndetësorë paralajmërojnë se keqinformimi në lidhje me vaksinën e fruthit kanë lejuar që sëmundja të përhapet në zona ose komunitete të caktuara.
