Ballkani do të luajë pa kapitenin Edvin Kuç në përballjen e nesërme të Ligës së Konferencës kundër Cluj në Prishtinë.
Në një konferencë për media, trajneri Ilir Daja tha se kapiteni i skuadrës së Ballkanit nuk është rikuperuar nga lëndimi në duelin me Prishtinën.
“Mund të konfirmoj që nesër do të luajmë pa kapitenin dhe kjo është një mungesë e madhe për ne. Kuç është lojtar shumë luftarak, por ne do të provojmë ta zëvendësojmë në mënyrën më të mirë të mundshme”, tha Daja.
Ndeshja ndaj Cluj është e para për Ballkanin në fazën e grupeve të Ligës së Konferencës.
Ndeshja zhvillohet në stadiumin “Fadil Vokrri” nga ora 18:45.
/TV Malisheva
