Presidenti francez Emmanuel Macron vlerësoi sot se planet e Vladimir Putin për të shpallur mobilizim të pjesshëm ushtarak për shkak të luftës në Ukrainë janë një “gabim” që do ta izolojë më tej Rusinë.
“Vendimi i tij është një lajm i keq për rusët, veçanërisht për të rinjtë, dhe do të rrisë izolimin e Rusisë”, tha Macron në Nju Jork, ku po merr pjesë në takimet si pjesë e seancës së rregullt të Asamblesë së Përgjithshme të Kombeve të Bashkuara.
Fuqitë bërthamore tani duhet të veprojnë me përgjegjësi, tha Macron në lidhje me njoftimin e Putin.
