Shtetet anëtare të Bashkimit Evropian kanë rënë dakord të organizojnë trajnime për rreth 15.000 ushtarë ukrainas sa më shpejt të jetë e mundur, njoftoi sot revista gjermane Spiegel.
Në raport thuhet se versioni i parë i ligjit parashikon që Polonia të marrë fondet e BE-së për të krijuar një seli trajnimi, ndërsa qendrat e trajnimit do të hapen në disa vende të tjera, por detajet përfundimtare do të negociohen javën e ardhshme në Bruksel.
Gjermania planifikon të ofrojë një qendër simulimi luftarak për të trajnuar inxhinierë ukrainas, personel mjekësor dhe degë të tjera të specializuara të ushtrisë, raporton Spiegel.
Kancelari gjerman Olaf Scholz njoftoi në gusht se Berlini do të trajnonte ushtarë ukrainas, ndërsa Danimarka konfirmoi se do të mbështeste një projekt trajnimi të udhëhequr nga Britania për 130 ushtarë.
Ministria gjermane e Mbrojtjes nuk ishte menjëherë e disponueshme për koment mbi raportin e Spiegel.
/TV Malisheva
